युवासेनाच्या आणखी एका उमेदवाराचा विजय झालेला आहे. अल्पेश भोईर 1137 मतांनी विजयी झालेले आहेत. मुंबई विद्यापीठाच्या सिनेटवर युवासेना उद्धव बाळासाहेब ठाकरे पक्षाचं वर्चस्व दिसत आहे. 10 जागांपैकी 8 जागांवर युवासेना उद्धव बाळासाहेब ठाकरे पक्षाच उमदेवार विजयी झालेले आहेत. मुंबई विद्यापीठाच्या सिनेटमध्ये युवासेनेची मशाल दगदगताना दिसत आहे. सिनेट निवडणुकीत अभाविपचा दारुण पराभव
यापार्श्वभूमीवर वरुण सरदेसाई म्हणाले की, आता दुसऱ्या पसंतीची मत ही ट्रांस्पर होत आहेत. जशी आम्हाला अपडेट येईल तसं आम्ही तुम्हाला कळवू. आता उरलेल्या दोन जागांवर कसा निकाल येतो ते पाहूया. तसेच ते पुढे म्हणाले की, उगाच काही तरी बोलण्यापेक्षा आपण निकालाची वाट पाहूयात. जे निकाल हाती आलेले नाहीत, त्यावर मी बोलणार नाही. जे निकाल हाती आलेले आहेत ते असे आहेत की, 8 जागांचे निकाल लागलेले आहेत. 8 पैकी 8 जागांवर आदित्य ठाकरेंच्या नेतृत्त्वाखाली असलेली युवासेना ही जिंकलेली आहे.