Shubman Gill : वेस्ट इंडिजविरुद्धच्या पहिल्या एकदिवसीय सामन्यात टीम इंडियाला (Team India) विजय मिळाला. शेवटच्या षटकापर्यंत रंगलेल्या या सामन्यात चाहत्यांना प्रचंड रोमांच पाहायला मिळाला. भारताकडून कर्णधार शिखर धवनने (Shikhar Dhawan) शानदार ९७ धावांची खेळी केली, तर शुभमन गिलनेही ६४ धावांची खेळी केली. पण या सामन्यात शुभमन गिलने ज्या प्रकारे विकेट गमावली त्यामुळे चाहते खूप नाराज झाले. खरे तर हे सर्व घडले ते शुभमन गिलच्या दृष्टिकोनामुळे. जेव्हा तो धावा पूर्ण करण्याइतपत वेगाने धावू शकला नाही आणि त्याची विकेट पडली. (team india won the first odi against west indies Shubman Gill)
टीम इंडियाच्या डावाच्या 18व्या षटकात, जेव्हा शुभमन गिल मिडविकेटच्या दिशेने एक हलका शॉट खेळला आणि धाव घेण्यासाठी धावला तेव्हा शिखर धवनने धाव पटकन पूर्ण केली. पण शुभमन गिलने थोडी ढिलाई दाखवली. काही वेळातच वेस्ट इंडिजच्या कर्णधार निकोलस पूरनचा थेट फटका स्टंपवर गेला आणि शुभमन गिल बाद झाला. शुबमन गिलच्या निष्काळजीपणाबद्दल चाहत्यांनी सोशल मीडियावर त्याच्यावर जोरदार टीका केली.
काही चाहत्यांनी लिहिले की तो शाळकरी मुलासारखा आहे, ज्याला नीट धावता येत नाही. तर काही चाहत्यांनी लिहिले की जर त्यांना टीम इंडियासाठी खेळायचे असेल तर त्यांना अधिक लक्ष केंद्रित करावे लागेल. त्याचप्रमाणे त्याच्या निष्काळजीपणाबद्दल चाहत्यांनी त्याला फटकारले.
या सामन्याबद्दल बोलायचे झाले तर टीम इंडियाने प्रथम फलंदाजी करताना 308 धावा केल्या, भारताकडून कर्णधार शिखर धवनने 97 धावांची खेळी केली. प्रत्युत्तरात वेस्ट इंडिजनेही 305 धावा केल्या आणि अखेरच्या षटकात सामन्याचा निकाल लागला.शेवटच्या षटकात वेस्ट इंडिजला विजयासाठी 15 धावांची गरज होती, मोहम्मद सिराजने भारताकडून गोलंदाजी करत सामना वाचवला. टीम इंडियाने अखेर हा सामना 3 धावांनी जिंकला.