यंदाच्या आयपीएलIPL हंगामामध्ये मुंबई इंडियन्स (MUMBAI INDIANS) विरुद्ध चेन्नई सुपर किंग्स (CHENNAI SUPER KINGS) या दोन पारंपारिक प्रतिस्पर्धा मधला सामना पार पडला. या सामन्यात नेहमीप्रमाणे चुरस पाहायला मिळाली. या सामन्यांमध्ये चेन्नई सुपर किंग्सचा माजी कर्णधार व फिनिशर म्हणून ज्याला ओळखले जाते असा, एम एस धोनी (M S DHONI) याने चेन्नई सुपर किंग्स संघाला मॅच जिंकवून दिली. सामन्यानंतर जडेजाने (RAVINDRA JADEJA) धोनी विषयी बोलताना असे म्हणाला की, ‘त्याची भूक आणखी संपलेले नाही आम्हाला विश्वास होता की तो हा सामना जिंकून देईल.'

जडेजा सामन्यानंतर म्हणाला, अजूनही धोनी भुकेलेला आहे. त्याची लय आजही कायम आहे. आम्हाला विश्वास होता की धोनी क्रीजवर आहे आणि तो सामना यशस्वीपणे पूर्ण करेल. त्याने भारतासाठी आणि आयपीएलमध्ये अनेक सामने जिंकले आहे आणि तो सामना यशस्वीपणे संपेल याची आम्हाला कल्पना होती.

धोनीने त्याच्या जुन्या दिवसांप्रमाणेच फिनिशरची भूमिका उत्तमपणे निभावली. चेन्नईला शेवटच्या षटकात १७ धावांची गरज होती. अशा स्थितीत धोनीने जयदेव उनाडकटच्या तिसऱ्या चेंडूवर षटकार आणि चौथ्या चेंडूवर चौकार मारला. तो शांत राहिला आणि शेवटच्या चेंडूवर त्याने शॉर्ट फाइन लेगवर विजयी चौकार ठोकला.