मागील काही दिवसांत अल्पवयीन मुली, तरुणी, महिला एकंदरीतच संपूर्ण महिलावर्गावर होणाऱ्या अत्याचारांचं प्रमाण वाढत चाललं आहे. काहीच दिवसांपुर्वी मुंबईंमध्ये लोकल ट्रेनच्या डब्यात घुसून एका महिलेवर ब्लेडने वार केला होता त्यानंतर पुण्यात शाळेतील वर्गात घुसून शाळकरी मुलीवर प्राणघातक हल्ला केल्याची घटना अगदी ताजी असतानाच आता जळगावमध्ये एक तरूण शाळकरी मुलींना छेडत असल्याची घटना समोर आली आहे. परंतू, या मुलींनी त्या इसमाची मुजोरी सहन न करता त्याला चांगलीच अद्दल घडविली आहे.
शाळेत जात असताना छेड काढणाऱ्या तरुणास मुलींनी चांगलाच चोप दिला. जळगाव जिल्ह्यातील बोडवड तालुक्यात येवती गावाजवळ हा प्रकार घडला. मुलींचा रुद्रावतार पाहिल्यानंतर आजूबाजूला असलेल्या लोकांनीही तरुणाला फटके देत त्याला पोलिसांकडे सोपवलं.
संबंधित तरुणाच्या विरोधात गुन्हा नोंद करण्याचे काम बोडवड पोलीस ठाण्यात सुरु आहे.