गोपाळ व्यास, वाशिम
वाशिम जिल्ह्यातील शिवनी येथे मागील दोन दिवसांपासून सुरू असलेल्या मुसळधार पावसामुळे शेतकऱ्यांचे मोठे नुकसान झाले आहे. शेतकरी डिगंबर गावंडे यांनी त्यांच्या शेतामध्ये झेंडू फुलाची लागवड केली होती. मात्र, पावसाच्या तडाख्यामुळे झेंडूची फुले आणि झाडे मोठ्या प्रमाणात खराब झाली आहेत.
काही फुले पावसामुळे सडली असून, या नुकसानीमुळे शेतकऱ्याचे लाखो रुपयांचे नुकसान झाले आहे. जोरदार पावसामुळे शेती पिकांचे मोठ्या प्रमाणात नुकसान झालं आहे. दसऱ्याच्या सणाला झेंडूच्या फुलांचा वापर केला जातो. यातच जोरदार पावसामुळे ऐन दसऱ्यालाच झेंडू फुलांची बाग सडली आहे.