पाकिस्तानमधून आता सर्वात मोठी बातमीसमोर आली आहे. पेशावरमध्ये एका मशिदीत भीषण बॉम्बस्फोट झाला आहे. पोलीस वसाहतीमधील मशिदीमध्ये भाविक नमाज पठण करत होते, त्यावेळी अचानक बॉम्बस्फोट समोर आले आहे. या स्फोटात 28 जणांचा मृत्यू झाला आहे तर 150 जण जखमी आहेत. त्यामुळे परिसरात भीतीचे वातावरण निर्माण झाले आहे. घटनास्थळावर पोलीस आणि तपास यंत्रणा पोहचल्या असून तपास सुरु आहे.

दरम्यान, या बॉम्बस्फोटाची जबाबदारी अद्याप कोणत्याही दहशतवादी संघटनेने घेतलेली नाही. पाकिस्तानच्या एका वृत्तपत्राच्या माहिती नुसार नमाज सुरु असताना हल्लेखोरानं बॉम्बनं स्वत:ला उडवलं. चिंतेची बाब म्हणजे या हल्ल्यातील मृताची संख्या आणखी वाढण्याची शक्यता आहे. सोबतच मोठ्या प्रमाणात त्याठिकाणी नुकसान झाले आहे. मशिदीमध्ये सध्या बचावकार्य सुरू आहे. त्याशिवाय जखमींना रुग्णालयात दाखल करण्यात येत आहे.