कोल्हापूर : ऍड.गुणरत्न सदावर्तेंविरोधात (Gunratna Sadavarte) कोल्हापूरातही गुन्हा दाखल झाला आहे. कोल्हापुरच्या शाहूपुरी पोलीस ठाण्यात (Shahupuri Police Station) सदावर्ते यांच्याविरोधात गुन्हा दाखल झाला आहे. मराठा क्रांती मोर्चाचे (Maratha Kranti Morcha) समन्वयक दिलीप पाटील यांच्या तक्रारीवरून गुन्हा दाखल हा गुन्हा दाखल करण्यात आला आहे.

गुणरत्न सदावर्ते यांच्याविरोधात भा.दं.विच्या कलम १५३ अ कलमान्वये गुन्हा दाखल करण्यात आला आहे. मराठा समाज आणि मागासवर्गीय समाजात वाद होऊन दंगे घडावेत असं चिथावणीखोर आणि भडकावू वक्तव्य केल्या प्रकरणी त्यांच्यावर हा गुन्हा दाखल करण्यात आलेला आहेत.

दरम्यान, गुणरत्न सदावर्ते यांनी मराठा आरक्षण प्रकरणात माध्यमांशी बोलताना काही वादग्रस्त वक्तव्य केली होती. त्यानंतर भावना दुखावल्याने काही लोकांनी सदावर्तेंविरोधात तक्रारी दाखल केल्या होत्या. या प्रकरणात आता पुण्याातील भारती विद्यापीठ पोलीस ठाण्यात देखील सदावर्ते यांच्याविरोधात गुन्हा दाखल झाला आहे. त्यामुळे आता सदावर्तेंना सातारा पोलीसांच्या कोठडीनंतर पुणे पोलीस ताब्यात घेतील अशी शक्यता निर्माण झाली आहे.