राष्ट्रवादी काँग्रेस अजित पवार गटाचे नेते बाबा सिद्दीकी यांची शनिवारी 12 ऑक्टोबर रोजी हत्या करण्यात आली. सिद्दीकी यांच्यावर गोळीबार करण्यात आला. यात त्यांचा मृत्यू झाला. सिद्दीकी यांच्या मृत्यूनंतर राज्यासह देशभरात एकच खळबळ उडाली आहे. अनेक आजी माजी नेत्यांनी सिद्दकी यांच्या मृत्यूबाबत शोक व्यक्त केला आहे.

या प्रकरणातील आरोपी गुरुनैल सिंगला 21 तारखेपर्यंत पोलीस कोठडी सुनावण्यात आली आहे. दरम्यान, आरोपींकडे 28 जिवंत काडतुसं सापडल्याची पोलिसांनी कोर्टात माहिती दिली आहे. आरोपींनी नियोजीत पद्धतीनं हत्या केली असल्याचे सरकारी वकीलांचे म्हणणे आहे.