विधानसभा निवडणुकीसाठी सर्वच राजकीय पक्ष तयारीला लागले असून अनेक दौरे देखील सुरु आहेत. निवडणुकीच्या पार्श्वभूमीवर राजकीय वर्तुळातून अनेक प्रतिक्रिया देखील येत असतात.

यातच आज केंद्रीय गृहमंत्री अमित शहा मुंबई, नवी मुंबईच्या दौऱ्यावर येणार आहेत. दादर येथील स्वामी नारायण मंदिरातील योगी सभागृहात त्यांची बैठक होणार असून मुंबई, नवी मुंबई, ठाणे व कोकणातील आमदार, तसेच पदाधिकाऱ्यांसोबत ते संवाद साधणार आहेत.

मुंबईतील आमदार, खासदार व पदाधिकाऱ्यांसोबत अमित शाह यांची दुपारी 1.30 वाजता बैठक होणार आहे. या बैठकीत काय चर्चा होतात हे पाहणं महत्वाचं आहे. त्यानंतर नवी मुंबईतील सिडको ऑडिटोरियम मध्ये सायंकाळी साडेचार वाजता बैठक होणार आहे.

ठाणे व कोकण विभागातील आमदार, खासदार व पदाधिकाऱ्यांसोबत अमित शाह संवाद साधणार असून मुख्यमंत्री व दोन्ही उपमुख्यमंत्र्यांसोबत अमित शाह यांची आज रात्री सह्याद्री अतिथीगृहावर बैठक होणार असल्याची माहिती मिळत आहे.