टोकियो आलिंम्पिक स्पर्धेतील बॅडमिंटनमध्ये पदकाची अपेक्षा वाढली आहे. पी व्ही सिंधूने स्पर्धेतील विजयी घोडदौड कायम ठेवली आहे.

क्वार्टरफायनल सामन्यात घरच्या मैदानात खेळणाऱ्या चौथ्या मानांकित अकाने यामागुची हिला पराभूत करत तिने सेमीफायनल गाठलीये. यामागुचीने जागतिक बॅडमिंटन क्रमवारीत सहाव्या स्थानावर असलेल्या सिंधूविरुद्धच्या लढतीत आक्रमक सुरुवात केली.

सुरुवातीला तिने 6-4 अशी आघाडी घेतली होती. पण यातून जोरदार कमबॅक करत सिंधूने पहिला सेट 21-13 असा जिंकला. दुसऱ्या सेटमध्ये दोघींमध्ये चांगलाच संघर्ष पाहायला मिळाला. अखेर हा सेट जिंकून सिंधूने अपेक्षेप्रमाणे सेमीफायनलचे तिकीट मिळवले.