संजय राऊत यांनी राज ठाकरे यांच्यावर टीका केली आहे. माध्यमांशी संवाद साधताना संजय राऊत म्हणाले की, राज ठाकरे काय म्हणतात त्याला महाराष्ट्रात किंमत नाही. मोरारजी देसाईनंतर गुजरात आणि महाराष्ट्राचे नेतृत्व त्यांना करण्याची त्यांना इच्छा आहे. त्यांच्या पक्षाला महाराष्ट्रात फार स्थान आहे असं वाटत नाही.
महाराष्ट्राच्या आणि मराठी अस्मितेच्या स्वाभिमानाविषयी त्यांच्या मनात नक्की काय आहे. ही आमच्या मनात शंका कायम राहिल. उद्धव ठाकरे हे महाराष्ट्राच्या स्वाभिमानाचा, अस्मितेचा प्रचार करतात. उद्धव ठाकरे यांची लढाई ही महाराष्ट्राच्या स्वाभिमानाची आहे. शरद पवार साहेबांची लढाई महाराष्ट्राच्या स्वाभिमानाची आहे हे लक्षात घ्या. उद्धव ठाकरे यांच्यावर टीका करताना आपण थोडं भान ठेवा. असे संजय राऊत म्हणाले.