विधानसभा निवडणुकीसाठी सर्वच राजकीय पक्ष तयारीला लागले आहेत. विधानसभा निवडणुकीच्या पार्श्वभूमीवर अनेक दौरे , बैठका घेण्यात येत आहेत.
याच पार्श्वभूमीवर आज मनसे अध्यक्ष राज ठाकरे पुणे दौऱ्यावर असणार आहेत. विधानसभा निवडणुकीच्या पार्श्वभूमीवर राज ठाकरे यांचा दौरा असणार आहे. याच्याआधी राज ठाकरे यांनी विदर्भ, मराठवाडा दौरा केला होता.
विधानसभेसाठी स्वबळाचा नारा दिल्यानंतर राज ठाकरे यांचे महाराष्ट्रात ठिकठिकाणी दौरे होत आहेत. काल राज ठाकरे 6 ऑक्टोबरला नाशिकला होते तर 7 ऑक्टोबरला पुणे दौऱ्यावर असणार आहेत.
पश्चिम महाराष्ट्रातील विधानसभा मतदारसंघांचा राज ठाकरे आढावा घेणार असून पुण्यात मनसे पदाधिकाऱ्यांसोबत संवाद साधणार आहेत. यासोबत विधानसभेसाठी इच्छुक उमेदवारांच्या मुलाखती देखील घेणार असल्याची माहिती मिळत आहे.