मराठीतील अभिनेत्री मुक्ता बर्वेने (mukta barve)तिच्या करिअरची सुरुवात प्रायोगिक नाटकापासून करून व्यावसायिक नाटक, चित्रपट आणि मालिका असा समृद्ध प्रवास केला आहे. मुक्ता सुंदर, ग्लॅमरस अभिनेत्री म्हणूनही चर्चेत असते.(mukta barve)

मुक्ताने तिच्या कारकिर्दीत संवेदनशील आणि समाजशील चित्रपटांना अधिक महत्त्व दिले आहे. जोगवा चित्रपटात साकारलेली सुलू अथवा मुंबई पुणे मुंबई चित्रपटातील तिची भूमिका असो. प्रत्येक भूमिका तिने चोखपणे पार पाडली आहे. प्रत्येक वेळी मुक्ता प्रेक्षकांना वेगळेपण दाखविण्यास उत्सुक असते.

मुक्ताचा नवीन चित्रपट लवकरच प्रेक्षकांच्या भेटीला येणार आहे. या चित्रपटाचे नाव 'वाय' ठेवण्यात आले असून या नावामागील कहाणी अजून गोपनीय ठेवण्यात आली आहे. हा चित्रपट सत्य घटनेवर आधारित असून येत्या 24 जून रोजी हा चित्रपट प्रदर्शित होणार आहे. या संबंधीत माहिती मुक्ताने स्वतः सोशल मीडियावर पोस्टर शेअर करून दिली आहे. अजित सूर्यकांत वाडीकर दिग्दर्शित वाय चित्रपटात मुक्ता बर्वे मुख्य भूमिकेत दिसणार आहे.

या चित्रपटात स्त्री संघर्षाची कहाणी मांडण्यात आली आहे. ही स्त्री सहन करणारी नसून परिस्थिती विरुद्ध बंड पुकारणारी स्त्री आहे. मुक्ताने आजवर अशा अनेक भूमिका साकारल्या. या भूमिकेसाठी मुक्ता शिवाय दुसऱ्या कोणत्याही अभिनेत्रीचा विचार माझ्या मनात नव्हता. मला खात्री आहे, या चित्रपटाला प्रेक्षक भरपूर प्रतिसाद देतील, अशी प्रतिक्रिया दिग्दर्शक वाडीकर यांनी व्यक्त केली.