हैदराबाद येथे 'ब्रह्मास्त्र' या बहुप्रतिक्षित चित्रपटाचा प्री-रिलीज कार्यक्रम काल रात्री रद्द झाल्यानंतर ज्युनियर NTR ने त्याच्या चाहत्यांची माफी मागितली. हैदराबादेतील रामोजी फिल्म सिटी येथे 2 सप्टेंबर रोजी होणाऱ्या या कार्यक्रमासाठी RRR अभिनेता प्रमुख पाहुणे म्हणून उपस्थित राहणार होता. त्याच्याशिवाय एसएस राजामौली, नागार्जुन, करण जोहर, रणबीर कपूर (Ranbir Kapoor) आणि आलिया भट्ट (Alia Bhat) यांचीही अपेक्षा होती. तथापि कार्यक्रमाच्या काही तास आधी तो रद्द करण्यात आला. त्यानंतर संतप्त चाहत्यांनी अधिकृत माफी मागण्याची मागणी केली.
रात्री 9 च्या सुमारास शहरात एक पत्रकार परिषद झाली. जिथे ज्युनियर एनटीआर यांनी गैरसोयीबद्दल दिलगिरी व्यक्त केली. त्याच्या चाहत्यांना आणि मीडियाला संबोधित करताना ज्युनियर एनटीआर म्हणाला की, मला माझ्या चाहत्यांची माफी मागायची आहे. यासह मी राष्ट्रीय मीडिया आणि तेलुगू मीडियाचीही माफी मागू इच्छितो.
हिंदुस्तान टाईम्सने दिलेल्या वृत्तानुसार पोलिसांकडून परवानगी न मिळाल्याने हा कार्यक्रम रद्द करण्यात आला.काही वृत्तानुसार हैदराबाद पोलिसांनी गणपती विसर्जनासाठी कर्मचारी तैनात केले आहेत. त्यामुळे मेगा इव्हेंटसाठी पुरेसे पोलिस तैनात करू शकले नाहीत. सूत्रांच्या मते शहरातील राजकीय रॅली देखील पोलिस कर्मचार्‍यांना ओढण्याचे कारण असू शकते.
अयान मुखर्जी दिग्दर्शित ब्रह्मास्त्र 9 सप्टेंबर रोजी जगभरात प्रदर्शित होणार आहे. रणबीर कपूर आणि आलिया भट्ट यांच्याव्यतिरिक्त या चित्रपटात नागार्जुन (Nagarjun), अमिताभ बच्चन (Amitabh Bachchan) आणि मौनी रॉय यांच्याही प्रमुख भूमिका आहेत. सुपरस्टार शाहरुख खान एका विस्तारित कॅमिओमध्ये दिसणार आहे. या चित्रपटात शाहरुख वानर अस्त्राची भूमिका साकारणार आहे. चित्रपट निर्माते एसएस राजामौली हा चित्रपट चारही भाषांमध्ये सादर करत आहेत. ब्रह्मास्त्रच्या तेलुगु ट्रेलरला मेगास्टार चिरंजीवीने आपला आवाज दिला आहे. हा बहुप्रतिक्षित बिग बजेट चित्रपट स्टार स्टुडिओ, धर्मा प्रॉडक्शन, प्राइम फोकस आणि स्टारलाईट पिक्चर्स यांनी बॅकरोल केला आहे.