एअर इंडियाचा मोठा निर्णय, अमेरिकेची १४ उड्डाणे रद्द!

5G इंटरनेट सेवा (5G internet deployment) आजपासून म्हणजे बुधवारपासून अमेरिकेतील विमानतळांवर (US Airport) लागू केली जात आहे. त्यामुळे एअर इंडियाच्या (AIR- India) विमानसेवेवर परिणाम होणार आहे. एअर इंडियाने अमेरिकेला जाणारी काही उड्डाणे रद्द केली आहेत, तर काहींच्या वेळेत बदल करण्यात आला आहे. याबाबत एअर इंडियाने ही माहिती दिली आहे.

एअर इंडियाशिवाय एमिरेट्सनेही (Dubai Emirates Airlines) उड्डाणे स्थगित केली आहेत. सर्व निप्पॉन एअरवेज, जपान एअरलाइन्सनीही (Japan airlines) अमेरिकेची उड्डाणे स्थगित केली आहेत. (5G network in USA)

जगभरात वापरल्या जाणार्‍या बोईंग 777 या विमानांवर नवीन हाय-स्पीड वायरलेस सेवेचा मोठा परिणाम होऊ शकतो, असा इशारा आम्हाला देण्यात आल्याचे काही एअरलाइन्सने सांगितले. पण उड्डाणं रद्द केल्याने विमान सेवेवर किती परिणाम होईल हे स्पष्ट नाही. आपली सेवा सुरू ठेवण्यासाठी फक्त वेगवेगळी विमाने वापरण्याचा प्रयत्न केला जात असल्याचे अनेक एअरलाइन्सने म्हटले आहे.